CLUB DE ESGRIMA ATLÁNTICO
PRÓXIMOS EVENTOS
ÚLTIMOS RESULTADOS
A creación do novo Club Esgrima Atlántico nace do desexo de Yann Breteau, profesor de esgrima con máis de 10 anos de experiencia, de formar a un grupo de tiradores de florete nunha escola cun alto nivel técnico e deportivo, onde os valores desta disciplina priman: tradición, respecto e compañeirismo.
O sistema de traballo será o estudo individualizado das necesidades de cada alumno, co obxectivo de acadar a perfección na técnica, baseada en combinar o traballo intuitivo e a repetición.
A persistencia e a responsabilidade contribuirán a desenvolver no noso alumnado habilidades como a autoconfianza, o autocontrol, a capacidade de reacción e resistencia, potenciando a súa velocidade e mellorando as súas habilidades de equilibrio, coordinación e reflexos.
Adquirir estas fortalezas axudará aos nosos alumnos tanto nas pistas como na vida fóra das pistas, xa que ofrece múltiples beneficios para o corpo e a mente. Ensinaralles a tomar decisións, a xestionar a frustración, a esforzarse por acadar os seus obxectivos, entre outros.
A filosofía dos distintos tipos de esgrima (base, lecer e competición) será diferente entre eles, sendo a calidade do traballo técnico a nosa principal base diferenciadora, común a todas elas.
Filosofía
As nosas clases
Iniciación
Xuventude entre 6 e 15 anos
-Nenos 6-10 anos: traballos de iniciación á esgrima
-Nenos de 10 a 15 anos: traballo sobre as bases principais de esgrima, desprazamentos e primeiras roldas.
Todo isto baseado en xogos, onde prima a diversión
Lecer
Adultos e mozos que non queiran competir
Esgrima baseada no adestramento deportivo. Os seus obxectivos: mellorar a condición física, a flexibilidade, a coordinación e a resistencia. Aprende e perfecciona os movementos técnico-tácticos para realizar asaltos no club con outros tiradores
Asesoramento e clases individuais
Competencia
Adultos e mozos centrados na competición
Esgrima baseada nun adestramento deportivo de nivel superior, con obxectivos individuais e de equipo.
Clases presenciais e quendas de formación de alto nivel
Representación do Club a nivel autonómico, nacional e internacional
Actividades
Centros educativos
Proxectos sociais
Empresas
Competencia
Actividades centradas na difusión dos valores e propiedades do noso deporte.
Estas actividades estarán formadas por diferentes sesións.
Neles ensinaremos as principais características da esgrima ao alumnado dos centros educativos coruñeses
Ao longo dos últimos oito anos, o noso técnico levou a cabo múltiples programas sociais desenvolvidos pola Fundación Emalcsa e o Concello de Coruña.
O obxectivo destas actividades é difundir os valores e beneficios da actividade física. A través da esgrima, ensinamos a mozos e adultos en risco de exclusión social a adquirir hábitos de vida saudables .
O deporte de alto nivel serve de exemplo para trasladar o mundo da competición á empresa.
A consecución dos obxectivos e como levalos a cabo é unha das prioridades do deporte e das empresas.
Por este motivo, creamos un modelo de actividade de Team Building centrado na empresa, onde todos os empregados poden beneficiarse.
Unha das partes máis importantes da esgrima é poñer en práctica a nosa aprendizaxe a través da competición. A participación en eventos amosaranos, ademais dos avances que estamos a facer, a nosa capacidade para traballar baixo presión.
Yann Breteau Mestre
Equipo de competición
Pablo Regueiro Rodríguez
Estrutura técnica
Galería
